FAMILIEFØRESTILLINGA "DANSE MI DOKKE, SPRINGE MIN HEST" PÅ OSASCENA
Møt dei mystiske dansedokkene til Berit på Pynte! Når Berit spelar på langeleiken sin, byrjar små og store dokker å danse. Korleis får ho det til? Er det ein slags magi i den gamle musikken?
«Danse mi dokke, springe min hest» er basert på ein fleire hundre år gamal tradisjon: Dansedokker (marionetter) til langeleikspel. Historia i førestillinga spinn rundt Berit på Pynte, ei berømt langeleikspelar som levde i Valdres på 1800-talet. Berit budde på ein liten husmannsplass i Vestre Slidre, og pleide å underhalde folk som kom reisande forbi. Ho spelte langeleik, song og dansa – og var kjend for å bruke dansedokker, som ho festa i ein tråd i handa då hun spelte langeleik.
Ingrid Lingaas Fossum: Langeleik, dans, sang, kraviklyre, fortelling
Brigitte Blomlie: Fortelling, dans, sang
Regi: Silje Risdal Liahagen
Ansvarsfriskrivning
Kjøpte billettar vert siverre ikkje refunderte